Nena Ang Spirit Detective 23

Continuation...
"Engkwentro Sa Distrito Ng Kababalaghan"
By: @pinoycreator

Briefing Ni Nena at Rudy sa shop ni Tonyo:
Rudy: Handa na ang mga kagamitan ko at handa na kong sumabak sa labanan in case na maka-engkwentro natin ang mga gumagawa ng lagusan. Tatlong botelya ng enerhiya na nakapagrerefill ng enerhiya ng katawan, makakatulong sa pag-gamit natin ng ating spiritual powers. Tatlong botelya ng pangunang lunas na makakatulong sa paghilom ng mga damage na maari nating matamo spiritually at physically.

Rudy: Isang smoke bomb, na pang-distract sa mga kalaban at dalawang pampasabog na nakapag-dudulot ng matinding spiritual at physical damage. Nasa labas ang aking motorsiklo para sa pag-roroam sa mga distrikto.

Dumating si Tonyo dala ang tatlong mainit na tsaa para sa kanila.

Tonyo: Heto tikman nyo ang tsaa ng focus. Mas magiging active at focused ang ating utak kapag uminom tayo ng tsaang ito.

Nena: Thanks, Ton.
Rudy: Hmmm.. Mabango. (Humigop ng konti) at masarap din.
Nena: (Humigop ng konting tsaa) Wow! Talap talap naman.
Tonyo: (Naupo at humigop ng konti) Paborito ko to lalo na pag may gagawin akong potion. Lahat ng ginagawa ko ay natural.

Nena: (Tumingin kay Rudy) Ako naman to, dala ko ang aking spirit gun at mga magazine nito. Kaka-upgrade ko lang nito nung nakaraan kaya matindi na rin ang spirit at physical damage na pwede nitong idulot sa target. Spirit trap gun naman pang trap ng mga nilalang. Na-master ko narin ang mind power abilities ko kaya kayang-kaya ng gamitin. Dimensiyon instincts, makakatulong satin sa pag-hanap ng mga nilalang na nagtatago sa ating plain sight. Ang aking Astral Amulet ay malaking tulong sa aking Dimensiyon shifting abilities.

Rudy: Magaling. Lilibutin natin ang mga area sa district 39 hanggang 64 at maghahanap tayo ng mga bagay na makatutulong sa atin sa paghanap ng mga gumagawa ng lagusan.

Nena: Kakaiba talaga yung lagusan na nakita natin sa video. Ibang-iba sa Dimensiyon na kaya kong gawin.

Rudy: Tama ka dyan. Marahil e napakamakangyarihan ng gumagawa ng lagusan. Kailangan natin sila ng buhay. Sila ang makapagbibigay impormasyon sa atin sa kinaroroonan ni Ian.

Tonyo: Ian? Sino yun?
Nena: ...
Rudy: Siya ang dapat naming hanapin ngayon sa aming misyon.
Tonyo: Si Maxwell ba?
Rudy: Oo siya nga, bakit may alam ka ba tungkol sa kanya?
Tonyo: Kilala ko lang sya dahil sa magandang reputasyon nya. Pero dati pa yun diba?
Rudy: Matagal na syang nawawala pero ang kasong to ay di parin isinasara dahil umaasa parin ang headquarters na buhay siya.
Tonyo: (Napatingin kay Nena)...

Maya-maya ay biglang tumunog ang isang dance tone. Nag-riring ang cellphone ni Nena at lumabas ang image ni Marjorie na naka-selfie pose.

(Phone Call)
Marjorie: District 48, Narra Street! Asap!
Nena: Copy!

Tumayo bigla si Nena at kinuha ang kanyang bag.

Nena: To, District 48, Narra Street! Asap daw!
Rudy: Sige! Salamat Tonyo!
Nena: Thanks Ton!
Tonyo: Okay ingat kayo!
Tonyo: ...hmmm.
Tonyo: Anyari kaya?

Tumakbo papunta sa motorsiklo si Rudy at Nena. Agad pinatakbo ni Rudy ang motor ng mabilis habang naka-angkas si Nena sa likod. Dama pa rin ni Nena ang kaba na dulot ng trauma nya sa aksidente nya sa electric scooter. Pero ito ay napapalitan ng excitement dahil sa misyon na tinatrabaho nila ngayon.

Ganun din ang excitement na nararamdaman ni Rudy. Pakiramdam nya ay kasama nyang muli si Ian sa kanilang misyon. Nanumbalik ang pag-asa nya na makitang muli ang nawawalang partner.

Dumaan ang dalawa sa mga shortcut na magpapabilis ng kanilang paglalakbay. Ilang saglit pa ay nakita nila ang isang pink na scooter sa Narra street na nakapark sa gilid ng kalsada. Agad na pinagana ni Nena ang kanyang Dimensiyon instincts para matunton ang kinaroroonan ng kakaibang nilalang.

Nena: Sa likod ng mga puno to!
Rudy: Tara bilisan natin!

Pinark din ni Rudy ang motor sa tabi ng pink na scooter at agad na tumakbo si Nena habang naka-helmet pa patungo sa kinaroroonan ng kakaibang enerhiyang nararamdaman nya. Sumunod din agad si Rudy kay Nena. Pagdating ni Nena sa likod ng mga puno ay naabutan nya ang isang malaki at kakaibang nilalang na may apat na kamay at balat na yari sa pangkalawakang bakal. Nandun narin si Marjorie.

Marjorie: May kahina-hinalang truck akong nakasalubong kanina na 72 ang dulo ng plaka papunta sa district 50. Ako na ang bahala dito sa halimaw na to!

Nena: Sige! Tara tito! Baka maabutan natin yung truck na papuntang district 50.
Rudy: Sige, balik sa motor!

Bumalik ang dalawa sa motor at agad na kumaripas ng takbo papunta sa nasabing distrito. Maluwag ang kalsada at wala halos bumibiyahe. Ang mga likuan ay masyadong makurba kaya naman maingat silang lumiko.

Sa may kalayuan ay naaninag nila ang ilaw ng truck. Mas binilisan pa ni Rudy ang takbo at ang dalawa ay nakayuko na para sa aerodynamics na makakatulong sa paghabol sa truck. Nung sila ay malapit na sa truck ay nakita nila na 72 ang dulo. Binusinahan ng binusinahan ni Rudy ang truck at dumungaw ang isang tao sa tabi ng driver's seat.

Lalapit sana sila Nena ng bigla nalang silang ginitgit ng truck. Buti nalang at malakas ang preno ng motorsiklo ni Rudy at agad nilang naiwasan ang panggigitgit ng truck.

Rudy: Hhuuuh! Muntik na. Loko tong mga to ha!
Nena: HHOOOOOYY!!! Itigil nyo ang truck!

Napausog ng konti si Rudy sa kanyang gulat sa sigaw ni Nena. Mas lalong binilisan ng truck ang andar. Agad din binilisan ni Rudy ang paghabol dito. Nang sila ay malapit na sa likod ng truck, muling bumusina ng bumusina si Rudy at nag-signal lights ito sa driver ng truck.

Bumukas ang likod na pinto ng truck at biglang nag-paulan ng bala gamit ang submachine gun ng dalawang tauhan sa likod. Agad umiwas si Rudy at nagtago sa isang malaking pader.

Rudy: Armado ang mga mokong. Gagamit ako ng spirit channeling para maging armor ang katawan ko at sasaluhin ko ang mga bala. Paputukan mo sila sa gulong.
Nena: Copy!

Gumamit ng spirit channeling si Rudy at itrinansfer nya ang kanyang enerhiya sa kanyang spirit power. Ang spirit power naman nya ay pumalupot sa kanyang katawan na naging isang barrier na nag-aabsorb ng spirit at physical damage.

Inihanda ni Nena ang kanyang spirit gun habang nag-iispirit channeling si Rudy. Nilagyan nya ito ng magazine at ikinasa. Pinatakbong muli ni Rudy ang kanyang motor ng mabilis at hinabol muli ang truck. Mabilis na naka-distansya ng malayo ang truck at nakita nilang lumiko na ito papuntang district 51.

Nag-full throttle si Rudy para mahabol ang nakaliko nang truck. Pagliko nila ay nakita nila ang truck na nakahinto.

To be continued... Basahin ang kasunod

Mga Komento

Mga sikat na post sa blog na ito

Nena Ang Spirit Detective 18

Nena Ang Spirit Detective 15